نوحه امان نامه ترکی

شعر امان نامه یکی از زیباترین صحنه های کربلا را به تصویر کشیده است. این شعر به نظرم توسط شاعر گرامی ترک زبان جناب آقای منزوی و در کمال قدرت و صلابت سروده شده است. این شعر حماسی را چندین مداح اهل بیت مانند آقای صدیف و تمدن و علیزاده و موذن زاده به زیبایی خوانده اند. این شعر اگرچه طولانی است و در 40 بند که هر کدام دارای 5 مصرع میشود و جمعا در 200 مصرع سروده شده است  ولی وقتی توسط مداحان عزیز خوانده میشود شنونده به هیچ عنوان احساس خستگی نمیکند و مضامین این شعر زیبا چنان هنرمندانه انتخاب شده است که از ابتدای شعر هرچه جلوتر میرویم به اشتیاق شنونده برای شنیدن بقیه ی ماجرا افزوده میشود. از خداوند متعال برای شاعر و مداحانی که این شعر را به زیبایی تمام خوانده اند طلب مغفرت میکنیم و برایشان سعادت ابدی آرزو میکنیم.

 1

شمرین کی سسی  تللیده‌ن اخیامه گلیبدیر

بیلدی هامی عباسه امان نامه گلیبـدیر

هی باشلیر امان نامه سؤزین باشدان او ظالم

شرمنده ائدیر، قارداشی قارداشدان او ظالم

 2

سسلیر باجیم اوغلانلارینین ارشدی هاردا

عبـاس قمر طلعـت و  رعنا قدی هـاردا

سروی کی اونی ام بنین بسله‌دی هـاردا

ال چکسیـن حسینـده‌ن یئتیـریم جـاه و مقامـه

سرلشکر اولوب امر ائله‌سین لشکر شامه

 3

شمرین سسی عباسه یئتیب غملی چاغیندا

رنـگـی سـارالیـب تیتـره‌دی یاپـراق سایـاغینـدا

باشیـن آشـاغـا سـالـدی حسینیـن قاباغینـدا

قلبی سیخیلیب آتش غیر‌تد‌ن آلیشدی

خجـلت تری آننیندا ، نه دیندی، نه دانیشـدی

 4

آیی توتـولان حالدا گوروب شمس امامت

فرمایش ائدیب ای خلف شاه ولایـت

گؤر کیـم چـاغیریر چیخ قابـاغـا ائیلـه اجابـ‌ت

ناچار اولوب اجرا ائلـه‌سین امـر امامـی

تلله طرف عزم ائتدی او سردار گرامی

 5

اهــریمـه‌نیلـه‌ گلــدی مـلاقــاتــه سـلیمــان

تــل اوستـه مـوقابل دایانیب کفـریلـه ایمــان

شمر آچدی سوزی عرض ائله‌دی ای مه تابان

واردی آرامیزدا سیـزیلـن حـق قرابـت

گلدیم ائلییه‌م محضریوه نئچّه نصیحت

 6

یوخ مثل و مقابل سنه شجعان عر‌بده

ممتازسـن البته شـجـاعـتـده، اد‌بـده

وار نسبـتی میـز سنلـه قـرابتـده نسـبـده

من پیر کهنسال و جهان دیده‌یم عباس

سالمـا بو وجـودیـن خطـره موقع حســاس

 7

دریاده حسین ایندی سینیق کشتی‌یه بنزه‌ر

عاقل بئلـه موقـع‌ده خطـ‌رده‌ن حـذ‌ر ائیلــه‌ر

منــد‌ن بــو سـوزو ائیلـه قبـول اولمـا مکــد‌ر

آخر بو حسینین سنه لایق ایشی یوخدور

یئتمیش نفره شاه اولاسان ارزشی یوخدور

 8

یازدیردیم امان نامـه‌وی مـن ابـن زیاده

حاضردی وئـره خلعت و انعـام زیاده

لذ‌تله گئچین بئش گونـو بـو دار فنـاده

آللام سنـه بیر کـرسی زرین امار‌ت

سیم و زر و قصر و خد‌م و میز ریاست

 9

عباسه تکان وئردی بو سؤز اولدی مؤثر

غیظیله گلیب نطقه او سـردار مدبـر

لال اول دئدی ای نابخرد پیـر مـزور

ابلیسه گلن لعنت عبیداللاها آزدی

زهرا بالاسی قالدی امانی منه یازدی

 10

 آغزین اودیلان دولسون ایا کافر شداد

آخر بو نه سؤزدیر دانیشیرسان ائوی برباد

دنیادن اوتور قارداشیمـا ائتمه ییـم امداد؟

جان بسله‌میشم فاطمه نان و نمکینده‌ن

حاشا چکم ال ایندی حسینین اته‌گینده‌ن

 11

مکـریلــه گینــه ویرســیز اگـر نیـزه‌یه قـرآن

حاشـا تاپـا ایمانیمـا ال سن کیمـی شیطـان

تئز گئت دالێ باخسان اولوسان قانیوا غلطان

مــن عبــده‌م علـی اوغـلـونـا سـن ابـن زیاده

سن مست ری و من روش صدق  و وفاده

 12

بـه‌بــه اوْلا رحمت آنـاســێ ام بنیـنـه

چون دوز سوت امن حامی اولار دیـن مبینه

خجلتله گینه گلـدی حضـور شـه دینـه

کشف ائتدی امان نامـه سوزون کهف امانـه

اغیـــار ســــوزون بیلــدی گلیـــب یــار بیــانـــه

 

 حضر‌ت ابوالفضل گلیب امام برابرینده باشی آشاغا دایانیب، امام حسین قارداشینا بئله بویورور:

 13

عبـاس !

تـوفان بــلا بو گئجـه‌نین وار سحرینــده

ریحــــانـه‌ی زهـــرا ســــولاجـاقـدیــر اثرینــده

اولمــک ولــی آســانـدیـر حسینیــن نظرینده

گویلــوم سحـ‌رین فیضینــه پر شوق و هو‌سدی

گئدسین هامی تک سوت امر اوغلوم منـه بسـدی

 14

عباســه بو تکلیفـی ائدیـب زاده‌ی زهــرا

گئتسه‌ن سنه مدر‌کدی امان نامه‌ی اعدا

قـارداشــلارینـی باشینـا ییـغ ائیلـه‌مـه دعــوا

هر حالدا منی اولدوره‌جک لشکر کافـر

باری بو حسین اولسه‌ده، سن اولمه براد‌ر

 15

هئچ کیم غم او خون قلبی پریشانه ساچانماز

چنــگ و دف و طنبــوریـلـه پیشــوازه قاچـانمـاز

زهرا قیزی هر سوز دئسه هئچ کیم ال آچانمـاز

زینــب سنـی گـورسـه، آچیـلار نطـقی بیـانـی

یاخشی دانیشار مفتضح ائیلر طلقانی

 

دئدی عباس !

اگر گئدیب اولاسان فوج دشمنه سردار

سنین یانیندا داخی زینبی می ویرمازلار

 16

 گدسیز اولاسیز کوفه ده محبوب خلایق

خلق ایچره ائده ر سیز بیلیرم جلب علایق

بیر قصر برازنده وئرلر سیزه لایق

گلسم سیز اولان شهره گوناخ منده مسلم

خولی اوینه گتمرم اوندا سیزه گلم

 17

سن اولسان اگر کوفه ده بیر صاحب مسند

سجادیمی صد جوریله اتمزله مقید

چکمز باجیلار گورسه سنی خفت بی حد

قوللارین آچیب قیزلاریمین گویلون آلارسان

کیم باش آچیق اولسا باشینا قاره سالارسان

 18

 سن اولسان امیر، امرین ائد‌ر دین ائوین آباد

زینداندا علی شیعه‌لری دیلـد‌ن اولار شــاد

مختــار وفـــاداری ائــده‌رســن اوزون آزاد

گیـزلینجه علی دوستلاریندان آلار ایقرار

قان آلماغا آمـاده اولار کوفــه‌ده مختـار

 19

 بیرده گزه‌سن گوشه‌ی زیندانلاری قارداش

یاده سالاسان بـی‌گنه اینسانـلاری قارداش

گورسن کی یاتیب مسلمون اوغلانلاری قارداش

آهسته اویات قورخمیالار مژده سسیند‌ن

بلبول‌لری آزاد ائلـه ظلـمون قفـ‌سینـد‌ن

 20

 عزم وطن ائتسه او ایکی بی‌گنـه آهـو

قویما ائده‌لر غصه‌لی قمری کیمی کوکو

گر مسلمین ایسترسن اولا روحـی دعـاگـو

آل تازه لباس و یاشیل عمامه بـراد‌ر

نازیلـه گئیینـدیـر اولاری یثـریبـه گونـد‌ر

 21

عبـاسـه امـان‌نـامـه ســوزو چـوخ اثر ائتـدی

شمرون سوزو آسانیدی بیر یول دئدی گئتدی

نوبت ولی شاه ائتدیگی تکلیفه کـی یئتـدی

عباس اوجادان آغلادی سس زینبه چاتدی

قیزلاردا بیلیب مطلبی ال باشیـنا چاتـدی

 22

عبـاس گلـوگیر اولـوب از بـس‌کـه غضبد‌ن

بیر سوز دییه بیلمیر هله سلطانه اد‌بد‌ن

فیکریـم دولانیر آیری خییـامـه بو سبـبـد‌ن

سیـزده منیـلن همره‌ اولون بـاری بو غمـده

جداٌ گوره‌ک آخر نه قییامتدی حر‌مده

 23

اولموش بو خبرد‌ن نگران عتر‌ت زهرا

ائیلیر هامی‌سی زینـب اولان خیمـه‌ده غوغـا

بعضی‌سی دئییر گئتسـه عمـوم نئیلـه‌ر‌م آیا

بعضی‌سی دئییر باخبر‌م من اوره‌گیند‌ن

گئتمز قاییدار صدقیله دوتسام اته‌گیند‌ن

 24

زینب‌ده دئییر قورخمایین آگاهم از‌لد‌ن

ثابیتــدی وفـاسیـنـده ابـوالفـضلیم ازلـد‌ن

شأنیند‌ن اوزاق‌دیر وئره اوز پرچمین الده‌ن

علت اودو بو مـطلبـی آسان سانیـرام من

تک قویماز حسینی اونو چوخدان تانیرام من

 25

سوز بو یئره چکدی هامی‌سی دوردو ایاقه

عزم ائیله‌دیلر معره‌که‌ی بـزمی فراقـه

گوردیلر ابوالفضل باشین سالمیش اشاقه

عرض ائیلیر حسین دوزدو کی لاییق دگولم من

صبـر ائیلـه اگـر یانمـاسـام عاشیـق دگیلـم مـن

 26

زهــرا آناوا چاتماز آنــام ای شه ابرار

قارداش دگیلم نوکری وم ائتمیر‌م انـکار

بو نوکره سن رتبه وئریب ائتدین علمدار

بو منصبی قارداش سن ابوالفضله وئریبسن

الده‌ن آلیسان پرچمی منـده‌ن نه گوروبسـن

 27

سن بیل کره‌مین سالما منـی دشـت و فـلاته

من سالیک ی عئشقم دوزه‌ر‌م هر زحماته

سردوشیمـی آچ پرچـمـی آل قـوش نفـ‌راته

سرلئشگر‌م آل رتبه‌می سرباز ائله قارداش

قوومــا قـاپیـدان سـاخـلا سـرافراز ائله قارداش

 28

 ایستیـر بیـزی قارداش آییریب تکلـی‌یه اعدا

خوار اولدوره بیر بیـر سنـی تنـها منـی تنـها

قصدیم بودو بیر یئرده دوشم توپراغا شاها

جنجال ائلیین وقتیده دوشمن باشیم اوسته

آخر نفسیمده گله‌سن سـن باشیـم اوستـه

 29

آگه‌سن اوزون صحبت عهد از‌لیمد‌ن

اسـرار دیلیمـد‌ن هـد‌فیمـد‌ن عملیمــد‌ن

هئـچ مـن دئمیـر‌م پرچـ‌میـوی آلمـا الیمـد‌ن

آلسانـدا گینـه نـوکرووام شـأنیم آزالماز

امما کر‌م اهلی بیلیر‌م وئردیگین آلمـاز

 30

 وار نوکریوین عتر‌ت پئیغمبره نذری

بیر باش ایکی ال اوستـه قویـوب گونـد‌ره نــذری

عالمـده مـگر کیـم گورونـوب قـیتره نـذری

قیترمه توکوم خونی دیلی گوز یاشیم اوسته

بیر گوزده قویوم قوی ایکی قول بیر باشیم اوسته

 31

قصدیم سحر البتده اولار فاش و مسللم

مشگیمده سو اولسا پر آچیب خئیمییه گللـه‌م

سو اولماسا گر سیزده‌ن اوزاقدا خجیل اوللــه‌م

هر یئرده سرافکه‌نده‌دی هر کیم الی بوشدو

شرمـه‌نده اولان نـوکـه‌ر اوزاقـدا یاتـا خوشـدو

 32

القیصصه او شیـره هیه‌جـان گتـدی بـو سـوزله‌ر

قلبینده اولان عئشقه دیـلالـه‌تـدی بـو سـوزلـه‌ر

شیرین‌دیل اوشاقلارا دیل اورگه‌تدی بو سوزلـه‌ر

سسله‌ندیله گئتمه باشووا بیر دولاناق بیز

قوی پرچه‌میوین سایه‌سینه دالدالاناق بیـز

 33

زینب گوروب عباس‌یده وار یاخشی عقیده

حاضیـردی اولـه گئتمییـه دربــار یزیــده

ائیلیبــدی دوعــا ام‌بـنینــه او حمیـده

سسلــه‌نــدی آنـا، بــه‌بــه اوزون آغ، ائـــوین آبــاد

شاد ائیله‌دی اوغلون بیزی، اولسون اوره‌گین شاد

 34

یـــوز دوتـــدو ابــوالفضلــه طـر‌ف زینب اوساعت

به‌به دئدی ای بحر کـرم، کان شجاعت

قــارداشلیغــا الحـــق واریمیـــش سنــده لیاقـت

باش اگمه‌دین عاله‌مده قوی دوشمه‌نه قـارداش

خوش حالیوه اقبالیـوه، احسن سنه قـارداش

 35

احسن ادب و غیر‌ت و گفتاریوه احسن

احسن شر‌ف و عز‌ت و رفتاریوه احسـن

گفتـــاریوه، رفتـــاریوه کــــرداریوه احســــن

جانیم بو اوجا قامــت، اوزون اللــ‌ره قوربــان

حق شیری آتام حق دانیشان دیللره قوربان

 36

غیر‌تده بابام حیدره خـوش مظهـریمیش‌سـن

اثنــای خطــ‌ر حامــی پیغـمبـ‌ر ایمیش‌ســن

سن رخت ی پئیمبرده یاتان حیـدر ایمیش‌سـن

سالدون خطره جانیوی پیغمبره خاطر

زهرایه کمـک دوردون آتام حیـدره خاطـر

 37

احضـــار ائلــه‌دی گــوردوم آتــام بیــر گــون عقیلـی

یاخشی تانیسان سن دئدی انساب ی اصیلی

واردیــر سنـــه آز زحمــه‌تیمیــن اجـــــر ی جزیلــی

عقــد ائــت منـه بیـر دختر  پاکیزه، رشیده

سیماسی عبوس، ائننی آلین، قددی کشیـده

 38

من اوز اوزومه فیکر ائله‌دیـم بو سوزو اونــدا

مــردانه صفــات عور‌تــی نئیلیــر بـابام آیا

الان منه روشه‌ندی نه فیکر ائتمیش او مولا

آلمیــش بــــو خییــالیلــه آتــام شیــرزن عـــور‌ت

سن تک بیر اوغول دوغسون او گنجینه ی عصمت

 39

ایستیــر سنــی بیــزده‌ن آییــرا آل امیـه

مکتوب امان یازمیش او فرزند سمیه

الان ائشیدیب گئتمـه‌گیــوی نازلــی رقیــه

لای‌لای دئمـه‌دی اصغــره دوردی باشیــن آچــدی

فیکر ائتدی گئدیبسن بیر آز او‌ل چوله قاچدی

 40

یاد ائیله شب قتل علی اوز قسمینـدن

قـوربانیـن اولــوم قــارداش ال اوزمــه علمینــد‌ن

حـــاضــردی رقیـــه اوپـــــه الان قـــد‌مینـــدن

آغوشیوه آل گول یوزو گولسون، دیله گلسیـن

دیندیر او شیرین دیل قیزی، قلبی اله گلسین

 

/ 0 نظر / 119 بازدید