به بهانه ی پاسخ به کامنت یکی از خوانندگان گرامی مطلب "بوزقورد"

منیم دوستوم ! اونلارین اشتباه فکرلشمه سی منیم گوناهیم دگیل. بیز حق سوزوموزو  بیرعده نین ناحاق دوشونه جاقینا خاطر پامال ائده بیلمه ریخ.  بو که دییاخ: "چون اولار غلط فکر ائدیرلر پس منده غلط فکر ائلییم که اونلارینان مقابله به مثل اولسون " چوخ زیانکارلیق دی. یالان سوز مقصده چاتماز. ایشتباه یول گئدن لر نهایت ده اوزلرینه صدمه ویرمالیدیلار. وطنه عشق بسله ماخ ایمانناندیر ولی عشقی گرک دوز معنی ایلییاخ. اگر وطنه عشقین وار اوزووی علم و هنر ساحه سینده ائله مرتبه ده قوی ایله که آذربایجان سنه افتخار ایله سین. بیر علمی یا هنری زمینه ده کی استعدادین وار تلاش ایله تا او زمینه ده دنیادا بیرینجی اولاسان و بئله نچی یولونان آذربایجان آدین اوجالداسان. حالوا حالوا دئماغینان آغیز شیرین اولماز. آذربایجان آذربایجان قیشقیرماغینان آذربایجانین آدی اوجالماز و حقی دوغرولماز بلکه علم و هنرینن اوجالار.  پس بو ساحه ده علم و هنر میدانا گتیرمه لی ییخ نه قورد کیمین بویونون یوغون دامار لارین.

   دلایل قوی باید و معنوی     نه رگهای گردن به حجت قوی

منیم دوستوم اوزووی وطنه وقف ایله ، اما نه مبارزه ی منفی ایله ماغینان بلکه مبارزه مثبت ایله ماغینان . مبارزه مثبت یعنی علم و هنر متعالی نن زندگانلیقی وی وطنه وقف ایله تا هامی سنین مقامیوی گورسون و بیلسین که بیر آذربایجانلی نه قدر با ارزش دیر . بونا دقت ایله کی : مین لر سنه و منه تای آدام بیر عمر آذربایجان آذربایجان قیشقیرا ، شهریارین بیر حیدرباباسی یا پروفسور هشترودی نین مین دن بیری اندازه ده آذربایجانا خدمت ائده بیلمز. پس یولووی دوز تانی منیم دوستوم. 

یاشا دوستوم یاشا.

یاشا آذربایجان یاشا ، اما نه قورد کیمی بلکه انسان کیمی انسان یاشا. 


موضوعات مرتبط:

برچسب‌ها: بوز قورد , آذربایجان


تاريخ : ۱۳٩٤/٦/۱٤ | ٧:٢۸ ‎ب.ظ | نویسنده : جوادزاده | نظرات ()
.: a good site پارس قرآن :.